想要衣櫃空間利用最大化，內部分區需要知。

想要衣櫃空間利用最大化，內部分區需要知。

轉眼到年尾，係時候大執衣櫃啦，屋企衣櫃空閒有限，處理衣物需要耐性同技巧，又要滿足曬全家男女老幼各種需求，所以衣櫃內部分區好重要。

通常衣櫃內部分區有：掛衣區、疊放區、拖櫃區、收納區。

掛衣區需要搭配功能性五金衣通，細分為：長衣區、短衣區、褲架區。

長衣區適合懸掛長款衣物，比如長裙、大衣等。建議高度尺寸係1400mm-1600mm之間，哩個高度可以滿足大部分長款衣物，保證衣物盡量不拖地。

短衣區適合懸掛短款衣物，比如襯衫、上衣等。建議高度尺寸係900mm-1000mm之間，哩個區域設計位置需要適中，方便攞取衣物。

褲架區適合懸掛長短褲，高度係600mm-800mm，大部分成年人長褲折疊起來唔會超過600mm，所以呢個高度係比較適合嘅。

衣物盡量可以掛起來就唔疊，一個衣櫃掛衣區的比例應該占到整個衣櫃50%-70%的空間，可以更加方便日常生活。

疊放區適合疊放衣物，寬度建議在300mm-400mm之間，高度係150mm-200mm之間，呢個區域可以根據衣物的厚度同數量進行調整，方便更好的利用空間。

拖櫃區適合放置小件物品，比如配飾、內衣等，建議尺寸參考同疊放區，可以根據住戶的需求設計抽屜的數量。

收納區係用黎放置大件物品，比如過季床褥、行李箱、大件衣物等，建議尺寸寬度700mm-1000mm，高度400mm-500mm之間，一般設計係衣櫃最頂位置，平時唔會經常去攞嘢。

衣櫃作為家居中最重要的收納空間，係設計時，應該考慮到業主家庭成員、使用者身高、生活習慣等因素，符合人體工程學，令生活得到更多的便捷。